الايفو خدت عين بعد نص ساعه من خروجها من المعرض :(

حكايه ليها العجب
النهارده استلمت الايفو اللون الابيض من شيرين كار وروحت ارخصها فى مرور فيصل
الطريق من النزهه لحد فيصل ماشيه زى الفل وقدام الطابور بتاع لجنه الفحص اشم ريحه شياط ودخان طالع من الكبوت
بطلت العربيه وفتحت الكبوت ذهلت من الدخان الابيض وبقيت مش عارف اعمل ايه
المهم واحد ابن حلال ميكانيكى قاللى هى دى اوتوماتيك قولتله اه قاللى طيب ماتخافش
المهم فتح الكبوت وساب الهوا والدخان يطلع بعدين فك الاسلاك من البطاريه شويه وركبها تانى
قولتله انت عملت ايه
قاللى فى غيار ركب على غيار ومارديش يرد تانى فكده كأنك ماشى على سرعه واحده على السير لمده طويله فحملت عليه
وانا كده عملتلك زى ريستارت للعربيه فالكومبيوتر هيتعامل من الاول وجديد
انا بصراحه اقتنعت بكلامه نص نص بس بعدها العربيه مشيت تمام لحد ما رخصت وروحت والحمد لله اليوم عدى على خير
بس مش قادر اقولكم انا قلبى وقع منى ووشى اصفر من منظر الدخان ربنا لا يكتب الموقف ده على حد

أولا ألف مبروك وربنا يديك خيرها ويكفيك شرها وتاني حاجه روح التوكيل شيك عليها وان شاء الله يكون خير وبقي طمنا

اقتباس:

---

المشاركة الأصلية كتبت بواسطة ecko120

حكايه ليها العجب
النهارده استلمت الايفو اللون الابيض من شيرين كار وروحت ارخصها فى مرور فيصل
الطريق من النزهه لحد فيصل ماشيه زى الفل وقدام الطابور بتاع لجنه الفحص اشم ريحه شياط ودخان طالع من الكبوت
بطلت العربيه وفتحت الكبوت ذهلت من الدخان الابيض وبقيت مش عارف اعمل ايه
المهم واحد ابن حلال ميكانيكى قاللى هى دى اوتوماتيك قولتله اه قاللى طيب ماتخافش
المهم فتح الكبوت وساب الهوا والدخان يطلع بعدين فك الاسلاك من البطاريه شويه وركبها تانى
قولتله انت عملت ايه
قاللى فى غيار ركب على غيار ومارديش يرد تانى فكده كأنك ماشى على سرعه واحده على السير لمده طويله فحملت عليه
وانا كده عملتلك زى ريستارت للعربيه فالكومبيوتر هيتعامل من الاول وجديد
انا بصراحه اقتنعت بكلامه نص نص بس بعدها العربيه مشيت تمام لحد ما رخصت وروحت والحمد لله اليوم عدى على خير
بس مش قادر اقولكم انا قلبى وقع منى ووشى اصفر من منظر الدخان ربنا لا يكتب الموقف ده على حد

---

الحمد لله انها جت على اد كده :) انا بقى خدت بويه عربيه سوداء ... بس الحمد لله شلتها بأيدي :36_1_8[1]:
اللي يجي في الريش بقشيشي و ربنا يديك خيرها و يكفيك شرها :)

الحمد لله إنها عدت على خير وع\ي على التوكيل عشان تطمن وبرده تثبت إن فيه مشكله عشان لا قدر الله لو ظهرت تاني ومتنساش لما تقف تحط الفتيس على الn متسبهاش على الA

ألف مبروك وربنا يديك خيرها ويكفيك شرها

الف مبروك يا معلم,بس لازم تعرف اللى حصل ده سببه ايه و تطمنا,و بالمناسبة الحوار ده كله كلفك اد ايه فلوس(الترخيص كله),و الحمد لله انها جت علي اد كده

الحمد لله انها جت علي اد كده والف مبروك علي العربية

يا ساتر يا رب
ياريت لما تروح التوكيل تقولنا عملت اية

مبروك وربنا يديك خيرها ويكفيك شرها و ان شاء الله بسيطة

الف مبروك .. مع انى مش مقتنع باللى قاله لك.

اقتباس:

---

المشاركة الأصلية كتبت بواسطة kareemz

الف مبروك .. مع انى مش مقتنع باللى قاله لك.

---

وأنا كمان مش مقتنع عشان كده قلتلة يطلع على التوكيل خصوصا إن الديول لوجيك مانيوال مش
اوتو

الكلام دة مش مظبوط_دة ميكانيكى قمر الدين

الف مبرووووك علي الاستلام و الحمدلله انها عدت علي خير.....لازم تطلع علي التوكيل و تشيك علي العربية و ربنا يستر

اقتباس:

---

المشاركة الأصلية كتبت بواسطة sweetvolcanoo

الف مبروك يا معلم,بس لازم تعرف اللى حصل ده سببه ايه و تطمنا,و بالمناسبة الحوار ده كله كلفك اد ايه فلوس(الترخيص كله),و الحمد لله انها جت علي اد كده

---

بالنسبة للترخيص....
المصاريف كالاتي:
777 جنيه ضربية 3 سنين
60 جنيه وصل تاني مع الضريبة مش فاكر بتاع ايه
120 جنيه طفاية
70 جنيه مثلث و شنطة اسعاف (اجباري لان الوصل لازم يكون موجود في ملف العربية عشان الرخصة تطلع)
320 جنيه تأمين اجباري
40 جنيه ورق الفحص
50 جنيه ورق و ملف و دمغات وطابع شرطة و استمارات (كان في باقي بس الموظف علي الشباك ابتسم ابتسامة صفراء و انا طنشت عشان مايعطلنيش)
5 جنيه للواد اللي بيركب النمر عشان مايحطهاش معوجة
30 جنيه ميكانيكي عشان يفك الغطاء بتاع الموتور!!!!( هاقولها بالتفصيل...عشان مهمة قوي)
-----------------------------------
المجموع
1472 جنيه

الحمدلله خلصت في يوم واحد و كنت واقف قدام الخزنة من 8 الصبح ...يعني لو رحت بدري تخلص في نفس اليوم...لو رحت براحتك ممكن قوي تحتاج تروح مرة تانية و طبعا كل مرور له ظروفه...انا باتكلم عن مرور اكتوبر

في نقطة مهمة قوي عايز اقولها للناس اللي رايحة ترخص عشان هاتوفر عليهم فلوس و عطلة بدون داعي

الراجل اللي بيرفع البصمة بتاعت الموتور فضل يدور عليها و مالقهاش و سألني كذا مرة..مش دي فيات امال البصمة مش علي الشمال ليه...قلتله يا عم دور كويس انا مش ناقص تأخير و الناس اللي بعدي عايزين الراجل يسيبني و يروح يرفع البصمة عندهم...و بعد شوية قالي انه مش لاقي البصمة و غالبا هي تحت الغطاء المعدني اللي بيعزل حرارة الموتور عن الكهرباء و المروحة...الغطاء ده مربوط ب 4 مسامير و صامولتين ...طب و الحل...قالي روح عند الميكانيكي علي جنب المرور و خليه يفكلك الغطا ده و سابني و راح يشوف الناس اللي بعدي (كنت رقم 2 و طبعا الدور راح عليا)...طبعا انا قلقت من الكلام ده و رحت مكلم فرع الدقي و سألتهم هو فعلا رقم الموتور تحت الغطا ده قالولي ايوة و فكه سهل و مفيش مشاكل...سبت العربية في المرور و رحت للميكانيكي علي الناصية و قلتله الموضوع قالي بنفكها ب 30 جنيه!!!! 4 مسامير و صامولتين فك و ربط في 5 دقائق ب 30 جنيه...طبعا ده مش تمن الشغلانة...ده تمن ان اليوم مايضيعش عليا...الميكانيكي عارف كويس اني لو حاولت اخد العربية حته تانية و افكها عند اي حد ب 5 جنيه يبقي اليوم ضاع عليا...الحمدلله اشتريت وقتي ب 30 جنيه
القصة دي ضيعتلي حوالي ساعة الا ربع و بالعافية اقنعت الناس تسيبلي الراجل يرفع البصمة لان دوري قبلهم كلهم
نصيحة قبل ماتروح المرور فك الغطا ده...هو بعد مايتفك بيفضل متعلق في الموتور بس بيتحرك علي جنب عشان تكشف الرقم...مفيش ضرر لو فكيته عند اي حد و مشيت بالعربية و هو مفكوك و تربطه بعد ماترخص...عشان توفر وقت و فلوس و كمان ممكن مايكونش فيه ميكانيكي قريب من المرور بتاعك

في نقطة تانية مهمة....لازم كل شوية تفكر هم بالازاز الفاميه عشان ممكن يتنسي و الرخصة تطلع من غير فاميه و طبعا شغلانة انك تصلحها....طبعا المبايعة مكتوب فيها بس لازم تفكر المهندس اللي بيكمل ورق الفحص عشان يكتب علي الورق بتاع الفحص انها فاميه و بعد كده تاكد علي الموظف اللي بيراجع ورقك قبل مايخش الكومبوتر لطباعة الرخصة...الموظف بيكتب بخط كبير ان العربية فاميه عشان اللي بيكتب علي الكومبيوتر ياخد باله

و انا تحت امركم في اي استفسار و بالتوفيق ان شاء الله

اقتباس:

---

المشاركة الأصلية كتبت بواسطة monster245

انا بقى خدت بويه عربيه سوداء ... بس الحمد لله شلتها بأيدي :36_1_8[1]:

---

انا برده خدت بوية بيضاء و الحمدلله شلتها بايدي و ماسابتش اي اثر....يا رب تيجي علي قد كده

ألف مبروك و ربنا ينفع بخيرها و يكفيك شرها

و مبروك على الترخيص بس عندى سؤال لو تسمح ؟؟

اقتباس:

---

....لازم كل شوية تفكر هم بالازاز الفاميه عشان ممكن يتنسي و الرخصة تطلع من غير فاميه و طبعا شغلانة انك تصلحها....طبعا المبايعة مكتوب فيها بس لازم تفكر المهندس اللي بيكمل ورق الفحص عشان يكتب علي الورق بتاع الفحص انها فاميه و بعد كده تاكد علي الموظف اللي بيراجع ورقك قبل مايخش الكومبوتر لطباعة الرخصة...الموظف بيكتب بخط كبير ان العربية فاميه عشان اللي بيكتب علي الكومبيوتر ياخد باله

---

هو الفامية مش ممنوع و عليه غرامة ؟

بالنسبة للفاميه طالما العربية نازلة كده من بلدها بيترخص عادى ومحدش يقدر يتكلم طالما فى الرخصة



بالنسبة بقى للى حصل للجميع انا نفسى اسأل سؤال ليه مش كل انسان يكلف خاطره ويقول ما شاء الله ويرحم الناس هيتعب فى ايه الا اذا كان قاصد بقى يطلع الشعاع
وده اصلا اعتراض على حكمة ربنا فى توزيع الأرزاق على خلقه وكل انسان عنده الكويس وعنده الابتلاء برضه بس الناس بترفض تبص للوحش كأنه عمره ما عانى لو ربنا كرمه وعوضه بحاجة فى يوم من الأيام

علام يقتل احدكم اخاه هلا اذا رأيت ما يعجبك بركت

إسلام ويب - عرض الفتوى

انصحك تطلع على مركز الصيانة و تحكى الموضوع ده و تكشف على العربية و تشوف ايه الموضوع
و فيه نقطة كمان : الفتيس المفروض اساسا ما يوصلش لمرحلة انه يطلع دخان لانه لو انت كنت بتتعامل معاه غلط ( و على فكرة ده عادى فى اول سواقة الدوال لوجيك،انا نفسى مش عارف اتعامل معاه لغاية دلوقتى لان عربيتى فتيس عادة)
كنا بنقول لوا نت اتعاملت معاه غلط حايسخن و حايفصل لوحده و مش حايرضى يدى نقلات و حايدى انذار بارتفاع درجة حرارة الفتيس.
نقطة اخيرة
كنترول الدوال لوجيك ب 12000 (اتناشر الف جنيه ) فى التوكيل
لازم تروح تكشف و تتأكد على سلامة العربية بدل ما اسطوانة الدبرياج تبوظ بسبب عيب موجود اساسا و انت تدفع تمنها على الفاضى و برجعوا يقولوا سوء استخدام

الف مبروك علي العربية
و لازم تروح تكشف عليها ( علشان تطمئن عليها و تكمل بيها عادي )
بالنسة للعين:eee:
هي لازم تتاخد:H_angry[1]: ( دي حاجة حتمية ) و ربنا هو اللي بيستر

انا بقى اكصطدام عربيتي في الترخيص الكلبسات بتاعته اتكسرت :s الحمد لله على كده

اسأل الله ان يعطيط خيرها وخير ما جبلت عليه وان يقيك شرها وشر ما جبلت عليه ... اعذك الله من العين والحسد والحقد ان شاء الله

اقتباس:

---

المشاركة الأصلية كتبت بواسطة ghamrawy

انصحك تطلع على مركز الصيانة و تحكى الموضوع ده و تكشف على العربية و تشوف ايه الموضوع
و فيه نقطة كمان : الفتيس المفروض اساسا ما يوصلش لمرحلة انه يطلع دخان لانه لو انت كنت بتتعامل معاه غلط ( و على فكرة ده عادى فى اول سواقة الدوال لوجيك،انا نفسى مش عارف اتعامل معاه لغاية دلوقتى لان عربيتى فتيس عادة)
كنا بنقول لوا نت اتعاملت معاه غلط حايسخن و حايفصل لوحده و مش حايرضى يدى نقلات و حايدى انذار بارتفاع درجة حرارة الفتيس.
نقطة اخيرة
كنترول الدوال لوجيك ب 12000 (اتناشر الف جنيه ) فى التوكيل
لازم تروح تكشف و تتأكد على سلامة العربية بدل ما اسطوانة الدبرياج تبوظ بسبب عيب موجود اساسا و انت تدفع تمنها على الفاضى و برجعوا يقولوا سوء استخدام

---

هو دة يا جماعة الللى مخوفنى من الايفو سعر حاجة زى كدة حاجة خرافية ممكن لما تبوظ على المدى البعيد تبقى صعب ان الواحد يصلحها ربنا يستر مع الناس كلها

يا جماعه المشكله ذي ما تقلي من مندوب مبيعات شيرين كار ان الاستاذ محمد بسبب فرحه الشديد بالعربيه " حقه " و خوفه و قلقه عليها " حقه جدا " كان ماشي على الاول طول المسافه " وضعيه مانيول دون الملاحظه بسبب الارتباك :) " الصراحه ده كلام المندوب و الله اعلم ايه اللي حصل ... و مبروك عليك مره تانيه العربيه يا باشا و ان شاء الله مفيش اي مشاكل :)

اقتباس:

---

المشاركة الأصلية كتبت بواسطة mohamedgamall

هو دة يا جماعة الللى مخوفنى من الايفو سعر حاجة زى كدة حاجة خرافية ممكن لما تبوظ على المدى البعيد تبقى صعب ان الواحد يصلحها ربنا يستر مع الناس كلها

---

أي عربيه حديثة الكونترول بتاع الفتيس كده أنا سمعت الفانتازيا في حدود ال20 تقريبا (مش متأكد)

اقتباس:

---

المشاركة الأصلية كتبت بواسطة moh.aboelkheir

يا جماعه المشكله ذي ما تقلي من مندوب مبيعات شيرين كار ان الاستاذ محمد بسبب فرحه الشديد بالعربيه " حقه " و خوفه و قلقه عليها " حقه جدا " كان ماشي على الاول طول المسافه " وضعيه مانيول دون الملاحظه بسبب الارتباك :) " الصراحه ده كلام المندوب و الله اعلم ايه اللي حصل ... و مبروك عليك مره تانيه العربيه يا باشا و ان شاء الله مفيش اي مشاكل :)

---

ماشى على الاول !!!! صعب اوى اكيد كان هيلاحظ من صوت الموتور و انا العربية مبتسحبش معاة

اقتباس:

---

المشاركة الأصلية كتبت بواسطة mohamedgamall

هو دة يا جماعة الللى مخوفنى من الايفو سعر حاجة زى كدة حاجة خرافية ممكن لما تبوظ على المدى البعيد تبقى صعب ان الواحد يصلحها ربنا يستر مع الناس كلها

---

على المدى البعيد حايكون الكنترول ده ملا الدنيا فى الحرفيين و عند بتوع التقطيع و ممكن تجيب الفتيس كله ب 4000 جنيه

اقتباس:

---

المشاركة الأصلية كتبت بواسطة ghamrawy

على المدى البعيد حايكون الكنترول ده ملا الدنيا فى الحرفيين و عند بتوع التقطيع و ممكن تجيب الفتيس كله ب 4000 جنيه

---

ههههههه اعتبره وعد
يارب لحسن بجد هى الدية النقطة الوحيدة اللى مخوفانى من الايفو دلوقتى

اقتباس:

---

المشاركة الأصلية كتبت بواسطة mohamedgamall

ههههههه اعتبره وعد
يارب لحسن بجد هى الدية النقطة الوحيدة اللى مخوفانى من الايفو دلوقتى

---

وعد يا باشا
ده فتيس البى ام ال e46 كنا بنجيبه ب 6000 من مده